Abaz Hoxha lindi në Vlorë më 14 prill 1930. Rrjedh nga një familje intelektuale dhe patriotike.
Kreu shkollën fillore në fshatin në Tragjas.
U përfshi në lëvizjen antifashiste në moshë të re dhe mori pjesë në repartet partizane ne vitet 43-44.
Me pas vazhdoi shkollën Teknike në Tiranë dhe u diplomua si Teknik i mesëm ndërtimi, gjeometër në vitin 1949.
Studimet e larta i kreu në Pragë, Rep.Ceke dhe u diplomua si inxhiner elektronik në vitin 1954. Paralelisht kreu një specializim pasuniversitar dy-vjeçar për Teknikën e Studiove të Radios, Filmit dhe Televizionit e posaçërisht për optikën dhe akustikën.
Nga viti 1956 deri më 1965, filloi punë në Kinostudio “Shqipëria e Re” si inxhinier e më pas qendroi 10 vjet kryeinxhinier i saj. Nga viti 1966 deri më 1973 drejtoi sektorin e Kinemave, e shpërndarjes së filmit. Nga viti 1972 deri më 1990 themeloi dhe drejtoi Arkivin Qëndror Shtetëror të Filmit.
Ka një veprimtari të gjerë në shumë fusha: si në inxhinieri, pedagogji, studimore dhe kërkimore shkencore, publicistike, krijuese letraro-artistike etj.
Abazi ka përkthyer shumë filma nga disa gjuhë, ai është edhe
autor i skenarit të filmit artistik “Ilegalët”.
Abazi përvec shumë shkrimeve në gazeta e revista të ndryshme ndër vite ka botuar librat:
1.- Teknika e Kinoprojeksionit (bashkautor, 1969, 440 f,me ilustrime)
2.- Akustika e mjediseve të brendëshme (1970, 150 f,me ilustrime-për ndërtimin e sallave të kinemave dhe kinoteatrove).
3.& 4.- The International Directory of Cinematographers set and Costume Designer in Film (pjesët për Shqipërinë në dy vëllime 1983, 1986 botuar nga Federata Ndërkombëtare e Arkivave të Filmit në Londër, Paris, New York, Berlin)
5.- Filmi Artistik Shqiptar – 1957-1984 (1987, 370 f. me ilustrime).
6.- Arti i Shtatë në Shqipëri-vëll.I-1900-1944 /170f,me ilustrime,1994).
7.- Enciklopedi e Kinematografisë Shqiptare (botim i parë 1999-400 faqe me ilustrime).
8.- 100 vjet kinema në trevat Shqiptare (2002, 400f,me ilustrime).
9.- Enciklopedi e Kinematografisë shqiptare (botim i dytë i plotësuar, 2002, 540 f,me ilustrime).
10.- Greta Garbo – Vajza që u kthye në legjendë (2002,70f,me ilustrime).
11.- Kinematografia e vendeve Skandinave (80f., me ilustrime, 2002).
12.- Ne u shkolluam në Pragë (2003, 160f. me ilustrime).
13.- Histori Arti (bashkautor me M.Zeqo, A.Hado, J.Papagjoni, 202f. 2003).
14.- Kinematografia Shqiptare shqip- anglisht-1985-2005 (666f. me foto B/Z dhe me ngjyra, 2004).
15.- Historia e Kinematografisë Botërore 1895-1945,vëllim i parë (210 f. me ilustrime, 2005).
16.- Historia e Kinemase ne Shqiperi-vellimi i I-1897-1944 (408 f. me ilustrime, 2007)
17.- Ne gjurme te filmave per Shqiperine/nga puna kerkimore ne disa arkiva evropiane/128 f, me ilustrime, 2007).
18.- Shqiptarët në kinematografinë botërore (420 f. me foto, 2008)
19.- Historia e Kinematografisë Botërore vellimi i dytë 1945-2005/ 264 f. me foto/
20.- Na ishte një herë një kinostudio /kujtime dhe mbresa / 214 f.
21.- Vellezerit John dhe James Belushi – 136 f.
22.- Historia e Kinematografisë shqiptare – Vëll. II-1945-2000,-152 f.
23.- Dallgët e trazuara të jetës /shënime autobiografike/. 358 f.
24.- Mbroj dashurine time – Publicistike 1 – 342 f.
Këto ditë në prag të 90 vjetorit të lindjes Abazi i dha një intervistë shkrimtarit e publicistit Ermir Nika, Doktor i Shkencave, për Qendrën Multimediale Shteg.al
