Misteri: Kush i shkroi ungjijtë?
Ungjijtë janë mbase pjesa më e rëndësishme e Testamentit të Ri dhe deri në shekullin e 18-të autorësia e tyre konsiderohej si mister. Por, teksa studiuesit modernë të Biblës filluan të hetojnë historinë e katër librave ato filluan të vënë në dyshim nëse ato janë shkruar nga Mateu, Marku, Luka dhe Gjoni. Ka spekulime qe ungjijtë janë shkruar nga njerëz që i njihnin apostujt, gjithsesi ky mbetet mister.
Misteri: Kush ishte dishepulli i dashur?
Një prej mistereve më të mëdha ka lidhje me identitetin e “dishepullit që donte Jezusi”. Sipas ungjillit të Gjonit, ky ishte dishepulli i mbështetur tek Jezusi gjatë darkës së fundit dhe i vetmi dishepull i pranishëm gjatë kryqëzimit. Gjoni 21:24 nënkupton se gjithë ungjilli i Gjonit bazohet në kujtimet e këtij dishepulli. Tre ungjit e tjerë s’e japin emrin e tij dhe nuk thonë asgjë për dishepullin e mbështetur tek Jezusi në darkën e fundit.
-Arka e Noes
Misteri: Ku është Arka e Noes?
Kërkimi për Arkën e Noes ka qenë gjithnjë një proces magjepsës për të krishterët, hebrejtë dhe myslimanët. Pavarësisht ekspeditave e zërave të ndryshëm nuk ka asnjë të dhënë shkencore se arka është gjetur ndonjëherë. Kërkuesit e arkës nuk kanë pasur shumë të dhëna për t’i udhëhequr në kërkimin e tyre. Në fillim të shekullit të 21-të u shfaqen dy vende kandidate për eksplorim. Vendi i quajtur Arar dhe një zonë në Durupinar.
-Faraoni i Eksodit
Misteri: Kush ishte faraoni i Eksodit?
Faraoni i Eksodit është faraoni që udhëhoqi Egjiptin e lashtë në kohën e eksodit. Më saktë, lind pyetja se kush mund të ketë qenë ky faraon. Historia e skllavërimit të fëmijëve të Izraelit në Egjipt dhe murtaja, me anë të së cilës Perëndia mundësi çlirimin e tyre dhe arratisja e tyre duke kaluar detin e Kuq tregohet në kapitullin e hapjes të librit të Eksodit. Faraoni nuk ka emër dhe çështja e identitetit të tij është një prej mistereve të mëdha.
-Fiset e humbura
Misteri: Çfarë u ndodhi fiseve të humbura?
Dhjetë Fiset e Humbura të Izraelit është një koncept që i referohet fiseve të lashta të Izraelit që u zhdukën nga të dhënat biblike pasi mbretëria e Izraelit u shkatërrua. Shumë grupe hebrenjsh kanë doktrina që kanë lidhje me ekzistencën e fshehtë apo kthimin biblike të këtyre fiseve. Ky është një subjekt që bazohet pjesërisht mbi fakte historike e pjesërisht mbi tradita të shkruara fetare, si dhe pjesërisht mbi spekulime.
-Kodet biblike
Mister: Bibla duket se ka mesazhe të koduara; a është koincidencë?
Kodi i Biblës i njohur dhe si kodi Torah përbëhet nga një sërë mesazhesh që supozohet se ekzistojnë në tekstin e Biblës që kur deshifrohen këto fjalë e fraza kanë kuptime profecike. Përdorimi dhe publikimi i “parashikimeve” të bazuara në kodet e Biblës ka pasur sukses për krijimin e kodeve, më së shumti të bazuara në punën e gazetarit të famshëm, Michael Drosnin.
-Kopshti i Edenit
Misteri: Ku është kopshti i Edenit?
Ndërkohë që pjesa më e madhe e studiuesve biblikë dhe teologëve e konsiderojnë historinë e kopshtit të Edenit si jo të vërtetë, disa njerëz besojnë se ky vend ekziston realisht. Për më tepër, Bibla jep të dhëna për vendndodhjen. Kjo ka bërë që shumë vetë të përpiqen ta gjejnë duke kërkuar në vendndodhjet e aluduara në Irak, Afrikë dhe Gjirin Persik.
-Sodoma and Gomorra
Misteri: A ishin qytete reale dhe nëse po, ku?
Për mëkatet e banorëve të tyre, Sodoma dhe Gomorra u shkatërruan. Emrat e tyre janë bërë sinonim i mëkatit dhe shprehin në mënyrë proverbiale zemërimin e Perëndisë. Ekzistenca historike e Sodomës dhe Gomorrës diskutohet akoma nga disa arkeologë. Vende kandidate të mundshme për Sodomën dhe Gomorrën janë vendet e zbuluara apo vizituara nga Walter E. Rast dhe R. Thomas Schaub në vitin 1973, në Bab edh-Dhra.
-Arka e Marrëveshjes
Misteri: Ku është arka e Marrëveshjes
Arka e Marrëveshjes është një enë e madhe që sipas përshkrimit në Bibël përmbante gurë, ku ishin gdhendur dhjetë urdhëresa. Arka u mbajt në Jeruzalem deri kur babilonasit shkatërruan tempullin. Që atëherë, arka u fut në listën e legjendave dhe u zhduk përgjithmonë. Ka mjaft teori se ku mund të ndodhet arka, por ajo mbetet mister.
-Grali i Shenjtë
Misteri: Ku është Grali i Shenjtë?
Sipas mitologjisë së krishterë Graali i Shenjtë ishte pjata ose kupa e përdorur nga Jezusi në darkën e fundit dhe thuhet se ka fuqi të mbinatyrshme. Zhvillimi i legjendës së Graalit është gjurmuar në detaje nga historianët kulturorë. Është një legjendë e cila u shfaq si e plotë në formën e romancave të shkruara, duke buruar mbase nga folklori pre-kristian.
/Express/
