Autoriteti më i lartë Europian i Futbollit vendos të ndërpresë takimin mes Serbisë dhe Shqipëris, pas më shumë se 50 minutash diskutimesh pas degradimit të situatës.
Takimi i vlefshëm për eliminatoret europianit “Francë 2016” në minutën e 40’, tifozët serbë filluan të hidhnin fishekzjarre dhe objekte të tjera në fushë.
Në minutën e 42-të të takimit një flamur shqiptar u pa të fluturonte mbi fushë sipër kokave të lojtarëve me një helikopter të telekomanduar. Kjo ka acaruar futbollistët serbë të cilët kanë kapur flamurin dhe e kanë mbështjellë atë me shpërfillje për ta hedhur tutje.
Kjo ka sjellë edhe ndërhyrjen e lojtarëve shqiptarë dhe kaq ka mjaftuar që në fushë të futeshin edhe tifozë serbë. Forca të shumë policie kanë filluar të boshatisin stadiumin me qëllim vijimin e ndeshjes normalisht.
Në flamur paraqitej nje harte e Shqipërisë edhe me trojet e saj të mbetura jashtë, bashkë me fotot e Isa Boletinit dhe Isamail Qemalit. Në fund të tij shkruhet me shkronja të mëdha “Autokton”.
Mësohet se në fillim janë larguar tifozët fanatikë të Serbisë, të cilët janë edhe shkaktarët e incidenteve në fushë.
Ndërprerja e ndeshjes ishte e menjëhershme. UEFA mori më pas vendimin për ta mbyllur atë përfundimisht.
