Nga Lek Gjoka
Korriku po lan faqet kudo prej te nxehtit në përrua, në lumë, në liqen apo në dete . Ashtu edhe politika dhe politikanët shqiptarë po mundohem të freskohen ngaqë dhjami i tepërt i venë nga grabitja për diell të pasurive kombëtare iu jep me shumë afshe ngrohtësie . Sigurisht edhe pse zgjedhjet kane mbaruar e di se ti zoti kryeministër po lodhesh ne takimet gju me gju me popullin saqë po thyen rekorde edhe në rrjetin social Facebook . Populli te votoi dhe fitove tepsinë e timonin megjithëse mbi gjysma e votuesve e refuzuan fatkeqësisht të drejtën e shenjtë të votës në shenjë hakmarrje ndaj politikes shqiptare por nuk është ajo që me shqetëson për momentin por lajmet plotë dhimbje që vijnë nga Shqipëria . Varfëria , krimi , korrupsioni nuk kanë filluar të tremben aspak . Në çdo shtet të botës edhe këtu ku unë jetoj në Florida turisti është i shenjtë dhe për turizmin shteti investon me të gjitha fuqitë që ka . Bizneset private të afrojnë qindra e qindra oferta të lira që ato dollarë që ke ndërmend ti harxhosh të shkosh tek ai . Oqeani Atlantik pra bregdeti i tij megjithëse ka mijëra hotele nuk është pronë e askujt por e gjithë publikut si e vendasit ashtu edhe e turistit . Rojet bregdetare bëjnë syrin katërt dhe ruajnë plazhi tët jo vetëm nga mos mbytja por edhe mos ardhja e pa ftuar e ndonjë peshkaqeni në breg . Po tek ju në Shqipëri çfarë po ndodh vallë ? E di se po shtron petat e byrekut për qeverinë e re të vjeshtës por populli do të jetojë çdo çast të jetës . Me qindra mijëra shqiptarë dhe jo shqiptare janë lëshuar drejt brigjeve të Adriatikut dhe Jonit por që për ministrinë tuaj të turizmit dhe qeverinë lokale është për të thirrur një vajtojce nga malësia dhe të vej kujën . Dhimbje pas dhimbjesh . Bregdeti i teri i privatizuar nga të fortët , asnjë roje bregdetare . Me erdhi mirë dikur kur shkatërroje ndërtimet pa leje neper qytetet e Shqipërisë por si ka mundësi që trembesh ta pastrosh bregdetin nga krevatet kërpudha të privateve që si gangrene po rrjepin njerëzit dhe që ndikojnë negativisht tek turizmi ? Dikur me forcën e ligjit çdo biznesi edhe atij të vogël e detyrove të ketë kase fiskale dhe keni bere një show të madh mediatik marrjen e kuponit të blerjes së çdo gjëje ndërsa sot nëpër restorante në bregdet jo vetëm që nuk merr kuponin por nuk të afrojnë as listën e çmimeve sepse duan të shikojnë se kush je që të përshkojnë me shumë?
Vërtete shqiptaret e duan Atdheun e tyre dhe bën mirë që bën thirrje që të shkojnë në plazhet shqiptare por në plazh nuk shkohet që të shijohet atdhe dashuria por rrezet e diellit , uji i kripur dhe gjithë asortet që të afrohen bashke me një çmim të mirë . Me mijëra amerikanë shkojnë nëpër shtetet e Amerikës latine për turizëm por që të gjithë e duan Amerikën madje edhe kane luftuar kudo kur kjo ka pasur nevojë por ofertat e lira dhe shijimi i një vendi të ri i shtyn drejt një turizmi jo “atdhetar” . Në Shqipëri turisteve të huaj apo shqiptareve jashtë kufijve të Shqipërisë madje edhe emigrantëve iu dyfishohen çmimet ?!. Siguria e plazheve është në dorën e Zotit. Asnjë roje bregdetare për plazhistët !. Mbeturinat në çdo anë të bezdisin . Sigurisht nuk është vetëm faji i yt zoti kryeministër , ketë e dinë të gjithë por kur një person i familjes bën ndonjë sherr i Zoti i shpisë shkon për të zgjidhur problemin . Pra kur pushteti lokal nuk punon në rregull ligji të jep të drejtë të ndërhyni për të ndryshuar situatën. Ajo tjetra me tragjikja ishte vrasja e një turisteve 15 vjeçare ruse . Fatkeqësisht është një fatkeqësi por jo për faj të saj por për faj të keq administrimit të bregdetit nga ana e organeve qeveritare . Skafistët të etur për para nuk pyesin për jetën e turistit sepse deti është pronë e tyre . Madje diku lexova një koment për ketë fatkeqësi dhe u trondita. Dikush shkruante poshtë lajmit se u arrestua skafisti që vrau 15 vjeçare ruse : “.. gjykatësi që do të marrë ketë çështje po fërkon duart nga gëzimi se do marre ca miliona..!..”
Ndaj Zoti Edi Rama si kryeministër lëri takimet gju me gju me popullin por mblidh qeverinë dhe turizmit shqiptar jepi atë që duhet dhe keni mundësi t’i jepni . Populli nuk ta dha tepsinë për të bërë byrek dhe timonin nuk ta dha për të drejtuar skafe që vrasin turistet por të drejtosh Shqipërinë drejt Evropës jo nëpërmjet Facebook por punës me përgjegjësi dhe dinjitet kombëtar dhe njerëzore.
Jacksonville Florida
Korrik 2017
