Dita e Tokës është vendosur në datën 22 prill në vitin 1970. Në këtë datë 20 milion amerikanë morën pjesë në demostratën mjedisore nga më spektakolaret, që u quajt “Dita e Tokës”. Në Shqipëri, Dita Ndërkombëtare e Tokës ka filluar të celebrohet që prej vitit 2002.
22 prilli, Dita ndërkombëtare e Tokës
Investimet për energjinë e rinovueshme për të ndaluar ndryshimet klimatike, është tema e përzgjedhur këtë vit për Ditën Ndërkombëtare të Tokës (22 prill) nga Programi i Kombeve të Bashkuara për Mjedisin (UNEP).
Fokusi për një ekonomi të “re”, të gjelbër që të udhëhiqet nga teknologjia dhe novacionet, do të konkretizohet me një Samit Global të Biznesit për Mjedisin, që do të mbahet në Paris në datat 22-23 prill 2009, bëri të ditur të martën Ministria e Mjedisit, Pyjeve dhe Administrimit të Ujrave.
Drejtori Ekzekutiv i Programit të Kombeve të Bashkuar për Mjedisin (UNEP), Achim Steiner, nëpërmjet një njoftimi për shtyp, thekson se “krizat e sotme janë mundësi që vijnë një herë në jetë për të bërë tranzicion drejt një shoqërie të burimeve efiçente dhe të reduktimit të karbonit”. Sipas tij, “biznesi duhet të luajë një rol kyç në këtë proces transformimi drejt një Ekonomie të Gjelbër”.
Dita e Tokës është vendosur në datën 22 prill në vitin 1970. Në këtë datë 20 milion amerikanë morën pjesë në demostratën mjedisore nga më spektakolaret, që u quajt “Dita e Tokës”. Në Shqipëri, Dita Ndërkombëtare e Tokës ka filluar të celebrohet që prej vitit 2002.
– Zanafilla e Ditës së Tokës –
Në aspektin global, në fillim vitet ’60, problemet mjedisore ishin shumëfishuar. Ndotja e ajrit kishte marrë përmasa të pandalshme në SHBA, duke stimuluar sëmundje, të cilat shkaktonin vdekje në New York, Los Angelos, etj. Në shumë vende të tjera gazrat e dëmshëm, që çliroheshin nga makinat dhe fabrikat, po e bënin jetën përditë e më të vështirë.
Gjatë një udhëtimi në gusht 1969, senatori i Winsconsin, Gaylord Nelson, vuri re se kolegët e tij kongresmenë ishin shumë pak të interesuar për problemet e mjedisit, krahasuar me komunitetet, të cilët me devotshmëri dhe duke pasur ndihmën e specializuar të studentëve vullnetarë, përpiqeshin të zgjidhnin problemet e ndotjes në komunitetet e tyre.
Në shtator 1969, në një fjalim në Siatëll, Senatori Nelson anonçoi për herë të parë konceptin e Teach-in, e cila u pasqyrua dhe në mediat kryesore si Gazeta “Time”, revista “Newsweek” dhe në faqet kryesore të “New York Times”. Vetëm disa javë më vonë, ai krijoi një organizatë jopërfituese, jopartizane, të quajtur “Environmental Teach-in”.
Qëllimi kryesor i ngritjes së shoqatës ishte “të forcojmë çështjet e mjedisit, nëpërmjet dialogut politik në të gjithë vendin”.
Po në dhjetor 1969, Senatori Nelson përzgjodhi një 25-vjeçar për të drejtuar organizatën, Denis Hayes, i cili anulloi planet për vazhdimin e Studimit për Legjislacionin në Universitetin e Hawardit dhe filloi punën për hartimin e planeve për të inaguruar Ditën e Tokës.
Një nga lëvizjet më të zgjuara në strategjinë e Hayes, konsiderohet blerja e një faqeje të “New York Times” në Shkurt 1970, ku u njoftua lajmërimi se në 22 Prill 1970 banorët e të gjitha Shteteve të Bashkuara duhet të demostronin për një mjedis më të pastër. Rreth 20 milion amerikanë morën pjesë në demostratën mjedisore, që u quajt “Dita e Tokës”.
