Published On: Sat, Sep 9th, 2017

Shuhet në moshën 66 vjeçare aktorja Hajrie Rondo

Hajrie Ronda

Aktoria Hajrie Rondo

Aktorja e njohur shqiptare Hajrie Rondo ka lindur më 1 mars 1951 në Delvinë dhe  ka ndërruar jetë sot më 9 shtator 2017 në moshën 66 vjeçare. Njoftimin e dha mes dëshpërimit familja e saj, e cila bëri të ditur se aktorja vuante prej kohësh nga një sëmundje e rëndë.
Hajrie Rondo do të mbahet mend për rolet e shumta dhe plot jetë në aktivitetin e saj artistik. Më së shumti ajo ishte e pranishme në skenën e teatrit me 120 role, si dhe 40 personazhe të spikatur në kinematografi. Një prej tyre është ai i Tanës tek filmi “Përrallë nga e kaluara”, një ekranizim i veprës “14 vjeç dhëndër” të A.Z.Çajupi.
Rreth një vit më parë Hajrie Rondo dha shfaqjet e fundit ndërsa ishte mjaftë e sëmurë. Xhesti i saj, por edhe kontributi i dhënë në vite, u vlerësuan si shembull frymëzimi dhe Kryetari i Bashkisë së Tiranës, Erion Veliaj, i dorëzoi me këtë rast Medaljen e Mirënjohjes.

Filmografia

Ballkan Pazar (2011)
Ne dhe Lenini (2009), ……………………….. Semihaja
Dhimbja e dashurisë (2008) serial
Tifozët (2004) – (TV), …………………………. Frosa
Borxhliu (1999) – (TV), ……………………….. Fija
Dashuri në krisma – (1997) (TV), …………. Zenepja
Gjithë fajet i ka paraja – (1996) (TV)
Pesha e kohës – (1988), ……………………… Evanthia
Një vit i gjatë – (1987), ………………………… Donika Saro
Përrallë nga e kaluara – (1987), …………… Tana
Kush vdes në këmbë – (1984), …………….. Lina
Një emër midis njerëzve-(1983)
nëntori i dytë – (1982), ………………………… Lima Kepiego
Agimet e stinës së madhe, – (1981), ……… Xifja
Vëllezër dhe shokë – (1980), ………………… Mara

Leave a comment

You must be Logged in to post comment.