Published On: Tue, Aug 15th, 2017

Përvjetori i lindjes së aktorit Hamlet, Naim Frashëri

Naim Frashëri lindi në Leskovik më 15 gusht të vitit 1923. Gjatë kohës së gjimnazit në Tiranë në vitin 1943, spikati talenti i tij në dramën “Vilhelm Tel” e Shilerit. Megjithëse i ri ai u rreshtua në radhët e luftëtarëve për çlirimin e Shqipërisë. Në maj të vitit 1945 me krijimin e Teatrit të Shtetit ai nisi karrierën profesioniste si aktor.

n.frasheri

Naim Frashëri

Gjatë rrugës së tij artistike, Naim Frashëri do të luante me sukses një sërë rolesh kryesore të cilët kanë mbetur ende në kujtesën e atyre që i kanë parë në skenë, por ai, ka lënë edhe të përjetësuara në film disa nga rolet e tij në kinematografinë e re shqiptare në atë kohë. Të tillë mund të përmendim: Ferdinanti në “Intrigë dhe dashuri”, Haward tek “Rrënjët e thella”, Hamleti tek tragjedia “Hamlet”, Jonuz Bruga tek “Familja e Peshkatarit” që mbeti edhe roli i tij i fundit.

naim_frasheri

Naim Frashëri në rolin e Hamletit

Naim Frashëri është nderuar me shumë tituj dhe çmime të ndryshme. Ai është një nga ikonat e Teatrit Shqiptar. Eshtë dekoruar edhe me urdhërin e lartë “Hero i Punës Socialiste”, si dhe mban titullin më të lartë artistik “Artist i Popullit”.
Naim Frashëri u nda nga jeta më 18 shkurt të vitit 1975.

Interpretime në Teatër:
Partizanët
Tartufi (Valeri)
Çështja ruse (Smith)
Prefekti
Armiqtë (Nikolla)
Orët e Kremlinit (Sasha Ribakov)
Procesi i Lapcigut (Lubeni)
Rrenjë të thella (Haward)
Përkolgjinajt (Leka)
Halili dhe Hajrija
Intrigë e Dashuri (Ferdinanti)
Familja e peshkatarit (Jonuz Bruga)
Hamleti (Hamleti)
Gjenerali i ushtrisë së vdekur (gjenerali)

Naim_Frashëri__Pal_Muzaka,_Skënderbeu

Naim Frashëri në rolin e Palit në filmin “Skënderbeu”

Filmografia:
Gjurmët – (1970)
Plagë të vjetra – (1968) Mjeku
Ngadhnjim mbi vdekjen (1967) Hans von Shtolc
Fortuna (1959)
Tana – (1958) Stefani
Fëmijët e saj – (1957) Mësuesi
Skënderbeu – (1953) Pali