Published On: Wed, Oct 4th, 2017

Asllan Rusi

Asllan Rusi u lind në Tiranë më 4 tetor 1945. Në vendlindje kreu studimet e para edhe shkollën e lartë. Që në shkollën e mesme kishte pasion sportin, sidomos volejbollin kështu një ditë u bë pjesë e ekipit të volejbollit të Dinamos, ku në atë kohë luanin mjeshtrat Kreshnik Tartari, Ylli Shehu, Anastas Panteqi dhe më të rinjtë e talentuar Zhan Bonati, Kico Lena, Leonard Tase, Enis Terihati të dejtuar nga trajneri i madh i kohës Vangjel Koja.

dinamo

Ekipi i Dinamos – Tranieri Vangjel Koja, Kreshnik Tartari, Enis Terihati, Asllan Rusi, Vladimir Starja, Ilir Cirinaku, Hajrulla Beriolli, Shkëlzen Hoxha, Rajmond Gjerazi dhe Kiço Lena

Shume shpejt Rusi bëri emër në volejbollin shqiptar. Loja dinamike, kërcimet e gjujtjet e fuqishme, e bënë të papërballueshëm për kundërshtarin. Ai u bë për 10 vjet Mbreti i volejbollit shqiptar, dhe së bashku me shokët e tij duke i dhënë Dinamos fitore në kupa e kampionate. Loja e tij me vetitë që e karakterizonin u shfaq edhe në ndeshjet ndërkombëtare përballë skuadrave të njohura evropiane si ato holandeze, bullgare, rumune, italiane etj. Falë vetive të tij e lojtarëve të tjerë të Dinamos, skuadra arriti deri në katërshen evropiane.

Rusi 70 kg, 185 cm i gjatë, ka luajtur nga viti 1959-1960 me skuadrën Tirana, nga viti 1960-1975 me skuadrën Dinamo dhe nga viti 1975- 1976 me skuadrën Studenti.
Rusi u shpall disa herë fitues në Anketën “10 sportistët më të mirë të vitit”,
Asllan Rusi zotëronte gjuhët: anglisht, frengjisht dhe italisht.
Vdiq në Tiranë nga një sëmundje e pashërueshme në moshën 38 vjecare më 1 janar 1983

pallati_sportit-Asllan_Rusi

Pallati i Sportit Asllan Rusi

Pas vdekjes në Anketen “Sporti shqiptar” më 1996 Asllan Rusi u shpall “Volejbollisti i shekullit”, iu dha titulli “Mjeshtër i Merituar i Sportit” dhe Pallatit të Sportit të Lojrave me dorë në Tiranë iu vu emri “Pallati i Sportit Asllan Rusi”