Published On: Wed, Aug 2nd, 2017

Artisti i Popullit, Pjetër Gjoka

Pjetër Gjoka u lind në Ulqin, (sot Mali i Zi), më 2 gusht 1912. Familja e tij u vendos në Shkodër kur ai ishte fëmijë (1915). Në rini Pjetri u shqua si sportist (futbollist, atlet) në Shkodër, ku ai luan me skuadrën “Vllaznia B”.  Që kur ishte 18 vjec, mori pjesë në lëvizjen amatore në Shkodër, në shoqërinë “Bogdani”, dhe në vitin 1930 luajti rolin e Gjergj Dushmanit te drama “Dy princë për një vashë” e Henrik Lacajt. Ai shpejt u bë një nga aktorët më të njohur të atyre viteve në Shkodër, duke u aktivizuar në shoqërinë “Bogdani”, “Rozafat”, “Vllaznia” etj. Në vitin 1933 merr pjesë ne Olimpiadën Ballkanike në Athinë ku fiton në disiplinën kërcim së gjati. Duke qenë edhe për një kohë të gjatë rekordmen në këtë disiplinë. Deri më 1946 Pjetri kishte interpretuar në skenë 26 role, e më së shumti role kryesore. Por krahas aktivitetit teatror Pjetri aktivizohet si tenor në grupin artistik “Scuola Cantorum”.

pjeter-gjoka

Pas mbarimit te Liceut Klasik në Shkodër, Pjetër Gjoka punoi si nënpunes i gjendjes civile (1938) dhe më pas si mësues në Vlorë, Mirditë, e Shëngjin.

Në vitin 1944 Pjetri fillon punë në gazetën  “Koha e re”që e drejtonte Kolë Jakova

Më 1 shtator 1946, së bashku me Loro Kovacin, nisi punë në Teatrin e Ushtrisë, ku luajti në pjesën “Nën gështenjat e Pragës”. Një vit më pas u thirr në Teatrin Popullor si aktor profesionist. Në teatër Pjetri luajti shumë role kryesore ndër të cilët:

Kleanthi te komedia Tartufi e Molierit (1947)
Makar Dubrava te drama Makar Dubrava
Kuzmini te Gubernatori i provinces
Levishini tek Armiqtë e Gorkit
Haritonovi në dramën Për ata që janë në det (1948) e B. Lllavrenjevit
Miler në dramën Intrigë e dashuri (1957) e F.Shiler, regjisor Mihallaq Luarasi.
Shpend Gjeto Plakut te drama Halili dhe Hajria (1950) Kolë Jakova.
Zabelini tek Orët e Kremlinit (1957) e N. Pogodinit
Lir në tragjedinë Mbreti Lir e Shekspir, 1964
Dogsboru te drama Arturo Ui e B. Breht
Prifti në dramën dhe filmin televiziv Gjenerali i ushtrisë së vdekur 1971 e Pirro Manit sipas veprës së Kadaresë
Pjetri ka luajtur edhe në 7 filma artistikë
Një rol episodik në filmin Skënderbeu (1953)
Gjyshit në filmin Tana (1958)
Rrapo te Furtuna (1959)
Gjenerali te Njësiti Gueril (1960)
Vasili te seriali televiziv I treti (1978)
Agroni tek Yjet mbi Drin (1978)
Gjoka ishte aktor i planit dramatik e tragjik, artist me kulture; kishte një zë të paster e kumbues. Krahas punes si aktor, ai ka vënë në skenë si regjisor edhe disa drama
Pjetër Gjoka mban titullin më të lartë artistik “Artist i Popullit”.
Vdiq në Tiranë më 2 maj 1982.

Leave a comment

You must be Logged in to post comment.